Published: 9 March 2020

Mandáhtajuohku

Mandáhta juohkin

Go buot jienat leat rehkenaston mandáhtat juhkkojuvvo vuosttažin bellodagaid gaskkan.Dan maŋŋel nanostahtto mat evttohasat šaddet láhttun.

Lahtut namuhuvvo vuosttažin persovdnaruoššain.

Go eanet evttohasaid ii sáhte namuhuvvot persovdnaruoššain bidjo loahppa sajit dan ortnegis go evttohasat leat válga lihpuin.

Riikkabeaivvit

Beare dat bellodagat mat leat ožžon unnimus njeallje proseantta jienain oppa riikkas besset leahkit mielde mandáhtajuogus riikkabeivviide.

Spiehkastahkan leat bellodagat mat leat ožžon unnimus guoktenupp ĺot proseantta Válgabiire jienain. Dát bellodagat oassálastet dalle áigeguovdilis válgabiire mandáhtajuhkui.

Oktiibuot 349 mandáhta juhkkojuvvo, dain leat 310 fásta ja 39 dássenmandáhta. Dássenmandáhtaid dárkkuhus lea luovvat nu veardduslaš mandáhtajuogu go vejolaš.

Vai evttohas sáhttá beassat personjienaiguin riikkabeivviide galgá evttohas ožžo persovdnaruoššain unnimus vihtta proseantta bellodaga válgabiire válgalihpuin.

Gieldda- ja eanadiggestivra

Eanadiggestivrra válggain juhkkojuvvo mandáhtat daid bellodagaid gaskkan mat leat ožžon unnimus golbma proseantta jienain oppa eanadikkis.

Mandáhtajuogus gielddastivrii ferte bellodat leat ožžon unnimus 3 proseanta jienain gielddaide mat leat válgabiirejuhkkojuvvon ja 2 proseanta gielddaide mat eai leat Válgabiirejuhkkojuvvon.

Vai evttohas sáhttá beassat personjienaiguin gieldda dehe eanadiggestivrii galgá evttohas ožžon persovdnaruoššain unnimus vihtta proseantta bellodaga válgabiire válgalihpuin, goittotge unnimus 100 jiena eanadiggestivrii válljemii ja 50 gielddastivrii válljemii.

Eurohpa-parlameanta

Beare dat bellodagat mat leat ožžon unnimus njeallje proseantta jienain oppa riikkas besset leahkit mielde mandáhtajuogus Eurohpa-parlamentii.

Parlameanttas leat eanemus 751 mandáhta ja mandáhtalohku vuođđuda juohke lahttoriikka álbmotsturrodahkii. Jus omd. Ruoŧas leat 20 mandáhta i Eurohpa-parlameanttas ja bellodat oažžu 10 proseantta jienain válggain, berre bellodat maid oažžut 10 proseanta mandáhtain, dat mearkkaša 2 mandáhta.

Vai evttohas sáhttá beassat personjienaiguin Eurohpa-parlamentii galgá evttohas ožžon persovdnaruoššain unnimus vihtta proseantta bellodaga válgabiire válgalihpuin olles Ruoŧas.

Other languages